सयपत्री हाइड्रोपावर लिमिटेडले हकप्रद शेयर निष्काशन गर्ने तयारी गरेको छ ।
कम्पनीको मंसिर २ गते बसेको सञ्चालक समितिको बैठकले शतप्रतिशत हकप्रद निष्कासनका लागि विद्युत नियमन आयोगसँग स्वीकृति लिने र स्वीकृति प्राप्त भएपछि साधारणसभामा पेश गर्ने निर्णय गरेको जनाइएको छ । कम्पनीले बैंकको ऋण तथा दायित्व भुक्तानी गर्न तथा दरम खोला आयोजनाको मर्मतसम्भार गर्न हकप्रद शेयर निष्काशन गर्न लागेको पनि जनाइएको छ ।
कम्पनीको हालको चुक्ता पुँजी ३० करोड रुपैयाँ रहेको छ । शतप्रतिशत हकप्रद जारी गरेपछि चुक्ता पुँजी ६० करोड रुपैयाँ पुग्नेछ ।
